انا الصابر وانا الراضي وانا اللي لابكـا معذور

ألا ياقلب ياللي عايـش ابهمـك ثمـان اشهـور
تعيـش الهـم فالغربـة بليـلٍ مابـه اسراجـي

حداك الوقت ياقلبي علـى درب السهـر مجبـور
نجمك الليل يوم الليـل بالوحـدة كمـا الصاجـي

ليا ميّلبك الوقـت ورأيـت امـن الليالـي جـور
تصبّر واصطبر ياقلـب بعـد الصبـر مفراجـي

ترا قو اليقين اليـا ملكتـه صـار لـك دكتـور
يداوي جرح غـاور ماتلاقـي غيـره اعلاجـي

أنا الصابر وانا الراضي وانا اللي لابكـا معـذور
حزين ٍ ماصفـا جـوه تخالـط جـوه اعجاجـي

وجودي وجد شيخٍ عاش فاخـر دنيتـه مقهـور
بعد مـا ماتـوا اعيالـه ذرف دمـعٍ بهملاجـي

رأى من دنيته ذلٍ بعد ماعـاش عـز اعصـور
وعاش الخوف من عقب الشجاعة بين الافواجـي

انا اللي اكتم العبـرة واداري جرحـي المستـور
وامازح من يمازحني وجرحـي وسـط دولاجـي

انا اللي يضحك امع اللي ضحك والحزن به جاحور
غدا ضحكي مجَامَل لا حشـا ماهـوب مبهاجـي

ياكيف ابهج ومن خلف الضلوع اشكي ألم وحرور
ياكنّ الجمر هارب عـن رمـاده فالحشـا لاجـي

ترا ماكل من يضحك سعا فـي دنيتـه مسـرور
يقوله من حدر درب الشقا مـن بعـد معراجـي

يقوله من جناحه من صواديف الزمـن مكسـور
اسير الحزن كـن الحـزن طوّقنـي بالاسياجـي

يقوله من حنـت حالـه همـومٍ حنيـت الباكـور
يقوله مـن يساهـر ليلـه الدامـس بسوهاجـي

يقوله من بخص دنيا العنا جرّب وغاص ابحـور
مجرب ذاق حر الصيـف مـن دنيـاه منعاجـي

انا المجنون والعاقل انا المطلـق وانـا المأسـور
على امجاهد زمان الهول صبري صار منهاجـي

انا اللي بالعزيمة صابـرٍ بالكسـر انـا البابـور
ابصبر لين احصّل في بحـور الصبـر مخراجـي

وابجنح في حياتي ما أبـي شاهـر ولا مشهـور
ابجنح عن لجيج الخلق ماسمع منْهـم ازعاجـي

وابنهج حكمة الصمت الرزيـن ولانـي ابهـاذور
حشا مانيب واشـي فـي بيـوت النـم هراجـي

وابرحل في طريقي وارجي من الرب الاقي نـور
وادوج اليوم من حزنـي ولـو ماكنـت دواجـي

نعم بادوج دام الوقـت هـو نافينـي ابساطـور
نعم بادوج وايدوج الـذي بـه حـزن لجلاجـي

واببعد في دروبي ليـن الاقـي حتمـي المقـدور
فالارض او فالسما وّلا في بحرٍ بيـن الامواجـي

منقول

ماشاءاالله
ماشاءالله
ابدااع هاليومين بالقصايد
مشكوووره
لاهنتي

تسلم أخوي الله لا يهينكـ

والله ابشرو البقصايد

» اضحي بعمري لعيونك تنام انته وانا سهران ..
» غير نك العضو اللي قبلك عند 5
» شــنو تحــس بــآتجااه العـضوو اللي فووقك..؟؟