انا عونك بهالدنيا محد يكسر مجاديفك

الشاعر .. علي مساعد

قبل لا تنوي الفرقا أمانه لا توصيني
أنا من وين ما ودّك معاك و أمري بكيفك


وغلات الزاد والعشرة واللي بينك وبيني
عهد مني لأخونك كل لحظة مع طيفك


أنا وشلون أحس البرد وكفوفك تدفيني
ربيعي شوفة عيونك أذوب فبردك وصيفك


وصوفك آه يا وصوفك هي اللي لعبت فيني
يضيع الوصف كل الوصف من روعة تواصيفك


عليك الله وأمان الله تكفى لا تجافيني
أنا ما عدْت أميّز مِنْ طعنّي الوقت أو سيفك


دخيلك لا تقول الآه لا تبكي وتناديني
أنا عونك بهالدنيا محد يكسر مجاديفك


هلا بالوافي اللي طول عمره ما يخليني
هلا كلي أبشر بها من اللهفة سواليفك


مدام القلب بايدينك أنا وش عاد بيديني
تفضّل دارك عيوني ومنت الضيف أنا ضيفك