قصيدة عن الطير واقوول فيها ...

[-متى على الله تبتدي هـدّة الطيـر
وانشوف جنح اللي بحبـه بلينـا
2-اللي على شانه قطعنـا مشاويـر
والاّ لغيـرة بالخـلا مامشيـنـا
3-حبه شغلنـي بالمنـى والتفاكيـر
ياكم على شانـه ليالـي سرينـا
4-في خبتٍ اجرد مابه الا المغاتيـر
ستيـن ليلـه للبشـر مابديـنـا
5-في ديرةٍ للطيـر فيهـا مواكيـر
انشوفها فـي كـل حـزه وحينـا
6-كانت تفرّخ في الجبال الشخاتيـر
اعشاشها تشهد علـى ماطرينـا
7-واليوم غصب انّا نحصّل مذاكيـر
ياكـود بالهجـرة تعـدي علينـا
8-ودي التمس للطير بعض المعاذير
ماغيـر مانـي خابـر الاّ يدينـا
9-حنا السبب فيما حصل يالمسافيـر
من حبنا فـي مسكتـه لاغدينـا
10-وايضا الحضارة والقنوص الطوابير
اللـي هـواة وتوهـم مبتديـنـا
11-يشهد على قولي قنوصٍ مشاهير
اللي لهـم خبـرة وعلـمٍ يقينـا
12-ماغير انا طالبك يامعطـي الخيـر
تعيضنا فـي ماضيـات السنينـا
13-وعزالله انـا بالليالـي المعاسيـر
اللي بهـا طيـر الخـلا مايجينـا