احبــك

موضوع: احبــك الثلاثاء أبريل 21, 2009 11:37 am

احبك

احبك من هنا لاخر محطات الغـلا لهنـاك
أحبك كثر ما يهوى رضيع الصدر غفوآتـه

احبك يابعد كـل الحـروف وعلّهـا تفـداك
أحبك يابعد بيـت القصيـد وكـل غايآتـه

أحبك يابعد عمرٍ قضى مني علـى ذكـراك
أحبـك يابعـد مـن داج بالدنيـا بخطوآتـه

أحبك يادفى برد السنين اليا غفـت بحمـاك
أحبك يا امل عمـر الوحيـد ويابعـد ذآتـه

أحبك يابعد قلبٍ نزف كل الغـلا لرضـاك
أحبك يابعد كـل العيـون ونـزف دمعآتـه

أحبك كثر ماتبرى جـروحٍ لامسـة يمنـاك
أحبك كثر ما يلجـا فقيـر الحـال لسكآتـه

أحبك بس لو تعرف وش اللي بالحشا ينخاك
وربي لو كشفت اللي بقلبي!!مـت لرضآتـه

أنا وشلون ابين لك غـلاك ولهفتـي للقـاك
انا وشلون اعبر لك عن اللـي بيـن طيآتـه

أنا لو قلت لك ببعد وابرحل وانتحي وانسـاك
لسانـي!! واعرفـه لازّل ياشيّنـه بزلاّتـه

تعال ارجوك شفني من رحلّت وعبرتي تنعاك
تعال وظمني ياحـي ذا الطـاري وظمآتـه

تعال وداوني ,,واللي خلقني يالدواء بشفـاك
يقولون الجمر طب المريـض بحـر كيآتـه

تعال وخل عنك الصد والهجران!! مايزهاك
حلاتك توصل اللـي يـم دارك زاد جيآتـه

أنا والليل وابيات القصايد فـي امـل لقيـاك
اقول الشعر والليـل الحزيـن يعـدّ نجمآتـه

نعزّي نفسنا ننطر تسابق لهفتـك وخطـاك
نقول ان الخطى تقصر ولا تسبـق للهفآتـه

أماني عاشت بصدري اغاني داخلي تهـواك
تموت ان غبت وان رديت عاش الليل وابيآته

أنا مقدر على بعدك على صدك على فرقـاك
يموت بغيبتك قلبٍ نزف لك حـر حسرآتـه

دخيل الصبح في وجهك دخيل الليل لا غطّاك
د خيل الرمش لاسيّر علـى خـدك بسجآتـه

دخيل الجمر والسكردخيـل البلسـم! الفتّـاك
دخيل اللي تثنّـى ليـن عذبنـي برقصآتـه

أمانه ترحم اللي شاف منّك صدتك وجفـاك
دخيلك تدمـح الزلـه وغلطآتـه وهفوآتـه

أحبك من هنا لاخر هنا لاخر هنـا لهنـاك
احبك لعنبو حي الرضيـع وحلـو غفوآتـه

موضوع: رد: احبــك الثلاثاء أبريل 21, 2009 2:02 pm

أنا وشلون ابين لك غـلاك ولهفتـي للقـاك
انا وشلون اعبر لك عن اللـي بيـن طيآتـه

الي يعرف شلون يقوولي

روووعه
يعطيك العاافيه

موضوع: رد: احبــك الأربعاء أبريل 22, 2009 3:25 am

يعافــيـــج

يسلمو ع المرور

نورتي