al8na9 مشـرف قسـم الالغـاز و قسـم الشعر والخواطر
عدد المساهمات : 122 تاريخ التسجيل : 19/04/2009 العمر : 38
| موضوع: الزواج ..عبدالرحمن رفيع الخميس أبريل 30, 2009 4:40 pm | |
| اشكثر كنت اتسأل اشكثر قبل الزواج كنت اتسأل اقعد الساعات معا الناس ما اتملل يا الربع ابي الصراحه مول علي لا تجذبون الزواج بيني و بينكم شي عدل ولا ينون ما تركت من ربعي واحد ما سألته هالسؤال من كثر خوفي بغيت اسأل حتى اليهال
يا هل المعروف ترا ضاعت دروبي عندج ام نوط اتزوج او لا ابغى عزوبي . والله خايف منه فالقرقور ولو كان من ذهب زينه الحريه زينه . حتى لو تكون من حطب راسي راس متروس و عاقل ليش اقط نفسي ابمشاكل كنت افكر ليل نهار في هالامور . حتى ساعات كنت احس راسي يدور
الزواج جاوبني شايب قالي ذي حظ و نصيب ينجح في بعضهم و بعضهم لازم يخيب و السعاده مب بالفلوس في الحباة السعاده لين توفقت اب مره بين البنات روح تزوج لا تردد و تحجج الحذر هو حتى لين زاد ما يفيد والي ما ينيشن و يرمي فالقنص مول ما يصيب و انت مو اول ولا اخر ولد الي قبلك عرشوا من غير عدد
قلت في نفسي هذي شايب . مخ خرفان و خراب ليش ما اروح اسأل لي شاب الجواب يمكن يكون عنده رحت سألت واحد اعرفه شاب من المتزوجين قلت له يا فلان يالله قولي الزواج زين هالسنين ابي من عندك نصيحه و انت شيخ العارفين الزواج جاوبني يضحك الزواج لا يخدعك شعر العسل و الليلالي الاوليه و المواعيد والغزل الزواج يمكن يكون زين للي فوق الاربعين للي يبي يستقر لكن بشرط بوكه سمين مالها قيمه الدنانير يا رفيجي هذا الزمان الله يرحم يدي خذ اربع حريم و لو حلال جان خذ ثمان ماصرف ربع الي راح مني في ايام الخطوبه و ما لقه ادنات صعوبه والله غير العزوبي ما يقدر يعيش حتى لو يتعشى باجله و يتغدى يريش انصحك مول لا تزوج
قلت في نفسي هذي شخص باين عليه وايد يزيد ليش ما اروح اسأل لي واحد توه متزوج و جديد مره الايام و صدفه طب رفيج لي فالسعل رحت عقب مده ازوره قلت له صف لي ما حصل عطني رايك بأختصار جنه العرس ولا نار قال لي لحظه و قام و تم مده يتصوخ مرته كانت قاعده تطبخ قلت اكيد خايف استمعك يالله قول بس مول لا تشلخ قالي روح باجر تزوج انت تحتاج للأدب اجذبوا جذبه علي قالوا لي قرقور من ذهب حد يهد ديرة النعيم حد يقول الحبسه زينه الا الغشيم تسوى جم طاير و حر بين العرب ما تخاف من لوم ولا تخاف من تعب لين رجعت البيت تنام لك مستريح و لين مشيت تمشي اتفنن من الطرب والله مينون الي ياخذ له مره يقعد يشاهدها طول عمره كأنها منظره والله يا عالم حرام والله لو كل ليله اقعد اشاهد قمر جان طفشت منه و حنيت للظلام روح تزوج بس على نفسك تشهد قول على الدنيا السلام حد يجيس الكهربه حد يربي عقربه حد يطيح في حفره و عيونه تمام رح تزوج بس على نفسك تشهد قول على الدنيا السلام
والله حيرتوني يا ناس بالكلام من اصدق من .؟ و من ذي استشير الزواج امراً خطير قالي رايي روح استشير امطوعه يمكن يفيد كلامها و يمك يكون منفعه كنت سمعت عن حرمه طيبه عندها بويت فالمنامه و يوم سألت عنها اوصوفها و ميزوا بيتها بعلامه ناس يقولون عنها ظاهره و ناس يقولون عنها ساحره قلت في نفسي طاهره ساحر يالله روح جربيت كل الفلاسفه و ذي بعد انسانه روح و يوم ضربت الباب و مرت خمس دقايق بالتمام رد علي صوت من ورا الباب قالي من ؟ جاوبت صديج ياي تحلون له قضيه من سنه اتسبب له ضيج قال تفضل و انفتح لي الباب و بدية بالسلام و قادني شخص من يدي و قالي ممنوع الحجي الا لما اتسألك الحجيه جاوب بأحترام
و ما وعيت الا وجدامي وحده بالدفه و الملفع بحلقت بعيونها فيني ساعه من غير ما تخره قالت اشعندك تشكه و ارفع الصوت حتى اسمع قلت لها عندي قضيه منها وايد اتوجع قصدي اتزوج و قلبي صار له مده ما يتشجع اتسأل دوم و خايف جني بتزوج لي اربع قالت انت تحتاج اوحيده يمها كل ليله اتربع الحريم مثل الخبيصه مافي ريال منها يشيع قلت اخاف اخذ لي وحده حلوه بس السانها يلسع انا ريال مب فدائي حتى ازوج لي مدفع قالت انت ناوي اتزوج ولا بس ياي اتدلع قول لي بين لي مرادك راوني باب قلبك امشرع قالت لي عندي لك زوجه جميله الشكر من عينها ينبع وحده محترمه و خليقه في زمان الشده تنفع وحده ما يدوخك مهرها و ما اتفرط و اتمنع قلت لها اقدر اجوفها ولا ذي وحده اتبرقع وينهي دليني محلها ابي وسط الجنه ارتع قالت ان تحتاج نظاره من نظارتك ذي اوسع كشمختك باين عليها كشخمه ما توضح كرمبع الي جدامك وحده ولا تتعامه يا مبلتع و ما وعيت عنا الا قايمه و كاشفه عن ويه ما يترقع ويه كريه لو يشوفه يني جان من المنظر تصروع و لا ما ريلي ساعدتني فالركيض جان حالتي خروع | |
|
Elz3eEma عضو فضــي
عدد المساهمات : 328 تاريخ التسجيل : 21/04/2009 العمر : 35 الموقع : RifF@3 el3zZ
| موضوع: رد: الزواج ..عبدالرحمن رفيع الجمعة مايو 01, 2009 6:07 am | |
| ههههههههههههههه صح لسانج ولسان عبدالرحمن تقبلي مروري | |
|
السبيعي عضو برونزي
عدد المساهمات : 265 تاريخ التسجيل : 20/04/2009
| موضوع: رد: الزواج ..عبدالرحمن رفيع الجمعة مايو 01, 2009 12:36 pm | |
| لووووووووول لاهنت يالغالي ع الموضوع مشكوور | |
|